माझे मी-पण
तू डोंगराची माया
तू आभाळाची छाया
तू हिमालयाची काया
तू देवदूतासम साया
मज ठेच लागता पायी
अश्रू तरळे तुज नयनी
मज बोल लागता कठोर
तू कृधसी मनोमनी
तुझे नदिसम वाहणे
माझे दंग होवुनी पहाणे
ओढीसह सागरभेटी
तुझे उराउरी भेटणे
लागता चाहूल संकटाची
तुझॆ ढाल बनोनी जाणे
परतावूनी सहजी रिपुंस
तुझे सहज शांत रहाणे
अद्न्यात अशा नात्याचे
मई नाव शोधित बसणे
तू सहज हसनी त्यास
माझे 'मी-पण' म्हणणे
-अमित श्री . खरे
No comments:
Post a Comment